Beth yw limousines a cherbydau anarferol?
Mae limousines neu 'limos hir' yn draddodiadol wedi'u defnyddio fel ceir priodasau ac angladdau ond maent mewn blynyddoedd diweddar wedi symud i brif ffrwd hurio preifat. Fel arfer cânt eu mewnforio o America ac maent yn gerbydau ffatri safonol a addaswyd drwy ymestyn y pellter rhwng echelydd. Mae cerbydau anarferol, er enghraifft hen ambiwlansys ac injans tân hefyd yn cael eu defnyddio ar gyfer hurio preifat.
Mae'r Cyngor wedi datblygu system drwyddedu ar gyfer y mathau hyn o gerbydau os gallant gyflawni meini prawf neilltuol, e.e. seddi i wyth neu lai o deithwyr, ac mewn cyflwr da yn fecanyddol.
Pa drwyddedau sydd eu hangen?
Mae angen nifer o drwyddedau i redeg busnes limousines neu gerbydau anarferol. Mae angen trwydded gweithredydd cerbydau hurio preifat ar gyfer y busnes ei hun. Mae angen i bob gyrrwr gael trwydded gyrrwr cerbyd hurio preifat ac mae'n rhaid cyhoeddi trwyddedau cerbyd hurio preifat ar gyfer pob cerbyd.
A gaiff y cerbydau eu profi?
Bydd angen i archwilydd cerbydau a gymeradwyir gan y Cyngor cyn y cyhoeddir trwydded. Cynhelir archwiliadau rheolaidd, ar draul y trwyddedai, fel arfer ar gyfnodau pedwar neu chwe mis, yn dibynnu ar oed y cerbyd.
A fyddaf angen sicrwydd yswiriant arbennig?
Mae'n rhaid i chi sicrhau fod yr yswiriant yn cynnwys dibenion hurio a thâl, ar gyfer defnydd hurio preifat. Mae'n rhaid i chi sicrhau fod yswiriant ar gael i bob gyrrwr trwyddedig arall i'ch galluogi i'w cyflogi, os yn berthnasol.
Pa ddeddfwriaeth sy'n rheoli limousines a cherbydau anarferol?
Deddf Llywodraeth Leol (Darpariaethau Amrywiol) 1976.
Pwy all wneud cais?
Gall unrhyw un gyda diddordeb cyfreithiol mewn cerbyd wneud cais am drwydded cerbyd hurio preifat a gall unrhyw berson dros 18 oed wneud cais am drwydded gyrrwr neu drwydded gweithredwr.
Beth yw'r broses gais?
Mae gwybodaeth cais am drwyddedau gweithredwr a gyrrwr ar gael drwy'r dolenni perthnasol.
Mae'n rhaid i ymgeiswyr ar gyfer trwyddedau cerbyd gyflwyno'r dogfennau dilynol fel rhan o'r broses gais:-
- Ffurflen gais wedi'i llenwi gan bob parti
- Syml DBS
- Ffi trwydded
- Dogfen mewnforio lle'n berthnasol
- Tystysgrif Cymeradwyaeth Cerbyd Sengl (SVA) lle'n berthnasol
- Dogfen gofrestru ('llyfr log')
- Tystysgrif yswiriant modur/nodyn gorchudd ar gyfer dibenion hurio preifat
- Tystiolaeth o berchnogaeth
- Tystysgrif MOT os yw'r cerbyd dros 3 oed
Cynghorir ymgeiswyr i gysylltu â'r Tîm Trwyddedu a gwneud trefniadau i gyflwyno'r dogfennau uchod. Mae'n rhaid i'r ymgeisydd wedyn gysylltu â'r archwilydd cerbydau cymeradwy i wneud yr apwyntiad gofynnol i archwilio'r cerbyd i sicrhau ei bod mewn cyflwr digonol i'w drwyddedu fel cerbyd hurio preifat. Bydd yr archwilydd yn codi ffi ar wahân, sy'n rhaid ei dalu adeg y prawf. Os yw'r cerbyd yn pasio'r prawf, bydd yr archwilydd yn gosod y platiau trwydded cefn a sticeri drws, os yn briodol, ac yn cyhoeddi tystysgrif cydymffurfiaeth. Y Swyddog Trwyddedu fydd yn cyhoeddi'r drwydded bapur a phlatiau trwydded mewnol. Fodd bynnag gall deiliad y drwydded wneud cais ysgrifenedig am beidio dangos y platiau cerbyd a sticeri ar y cerbyd.
A allaf wneud cais ar-lein?
Na, ni dderbynnir ceisiadau ar-lein ar gyfer y math yma o drwydded.
Faint yw cost trwydded limousine neu gerbyd anarferol?
Mae'r ffi drwydded i'r cais cyntaf yn £256, a ffi cais adnewydd yn £195. Mae hefyd ffi profi cerbydau yn daladwy i'r Archwilydd Cerbyd Cymeradwy.
Pa mor hir fydd yn ei gymryd i brosesu cais cerbyd ac a fydd caniatâd dealledig?
Mae'r amser prosesu cais fel arfer rhwng un a dwy wythnos fodd bynnag mae hyn yn dibynnu ar os oes apwyntiad ar gael ar gyfer archwilio cerbyd. Ni fydd caniatâd dealledig, h.y. os nad ydych yn clywed dim o fewn y cyfnod penodol, ni allwch dybio'n awtomatig y rhoddwyd y cais.
Cwynion defnyddwyr
Os oes gennych gŵyn am unrhyw fater yn ymwneud â gweithgareddau tacsi trwyddedig neu heb drwydded, cysylltwch â'r Tîm Trwyddedu.
Manylion cyswllt
Ffôn: 01495 369700
E-bost: licensing@blaenau-gwent.gov.uk